Viti i Ri 2019 ka trokitur tashmë në Vlore. Kur akrepat e orës shënuan 00:00 një spektakël fishekzjarrësh u dhurua në zonen e Skeles. Vlora dhe e gjithë Shqipëria i thanë Mirësevjen Vitit të Ri 2019. Mes fishekzjarrëve dhe urimeve, vlora ka ofruar si në çdo vend tjetër të botës ndërrimin e viteve edhe pse në temperatura të ftohta të këtij fillim Janari. Fishekzjarrët i bënë qytetarët të harrojnë të ftohtin dhe të mendojnë për një tjetër vit që po vjen.
Kur akrepat e orës shënuan 00:00 një spektakël fishekzjarrësh u dhurua në Vlore, ndërsa qindra qytetarë zgjodhën ta presin ndërrimin e viteve ne zonen e Skeles Vlore. Nën shndritjen e fishekzjarrëve dhe ritmeve të muzikës që u ofruan përmes bokseve të mëdha, qytetarët qëndruan për minuta me radhë në festë. Në Skel po mbahet një koncert i organizuar nga Bashkia Vlore me këngëtarët Revolt Klan etj.
Kremtimi i Vitit të Ri është kthyer në festën më tradicionale të shqiptarëve. Shumë prej tyre mjaftohen me darkën pranë gjirit familjar që “kryesohet” nga mishi i gjelit të detit dhe ëmbëlsira tradicionale, bakllava. Ndërsa shumë të tjerë zgjedhin të festojnë në restorante apo klube të ndryshme të Vlores.
Trokitja e gotave dhe urimi për mbarësi dhe një vit të bardhë është mesazhi që ka mbizotëruar në tryezat e çdo qytetari, por edhe në urimet e shumta përmes mesazheve telefonike dhe online me njëri-tjetrin.
