Personi në këtë foto është 42-vjeçari Dervish Hasi me profesion mjek kirurg i akuzuar se shfrytëzoi seksualisht një të mitur për një periudhë 2-vjeçare. Ai u vu në pranga nga forcat e komisariatit numër 1 në kryeqytet pas një kallëzimi. 42-vjeçari që e shfaq veten si besimtar mysliman mësohet se e paraqiste minorenen si bashkëshorten e tij të katër. Të njëjtat burime thanë se vajza sot rreth 16 vjeçe, në vazhdimësi ka qëndruar në banesën e mjekut Hasi.
Detaje të reja kanë dalë në dritë nga ngjarja e rëndë e bërë publike ditën e sotme. Pas përgjimeve nga ana e autoriteteve është zbuluar se mjeku Hasi kishte hapur një grup chati ku i dërgonte video të marrëdhënieve të tij intime me minorenen tre grave të tij. Dervish Hasi punonte mjek kardiokirurg në sanatoriumin e Tiranës.
Ky i fundit jeton me 3 gra të tjera të cilat po ashtu i prezanton si bashkëshorte mbi bazë të bindjeve fetare. Kjo alibi e ngritur nga vetë Hasi duket se nuk ka qenë bindëse për policinë e shtetit për të cilën kanë kryer edhe arrestimin fill pas administrimit të kallëzimit. E mitura ka depozituar edhe disa prova të cilët janë administruar nga hetuesit dhe po këqyren për të mësuar më shumë mbi lidhjen e tyre.
Dervish Hasi është një emër i njohur për agjencitë e hetimit dhe ato ligjzbatuese. 42-vjeçari ka qenë person i dyshuar nga SPAK si i përfshirë në një grup që furnizonte me armë snajper kriminele brenda dhe jashtë vendit. Ishte dëshmia e Enver Jamakut, i penduar i drejtësisë që nxori emrin e tij në pah. Më 23 janar 2019, mjekut Dervish Hasi i vunë tritol në mjetin e tij të parkuar pranë xhamisë “Xhura” në zonën e oxhakut.
