Policia e Antimafies italiane ka thënë se ka arrestuar 7 mafiozë të dyshuar, të cilët ishin në poste “drejtuese” në organizatën mafioze, duke i dhënë një tronditjeje akoma më të madhe “botës së nëndheshme të krimit”. Mafia siciliane po merr goditje të rënda gjatë kohëve të fundit, shkruajnë mediat në Itali.
Këtë vit, pak kohë më parë, Settimano Mineo 80 vjeç, pasardhës i dyshuar i Toto Rinës u prangos. Ndërsa, 45 të tjerë janë nëpër burgje, ku janë duke u mbajtur të paraburgosur nën akuza që nisin që nga grabitja, posedim i paligjshëm i armëve, zjarrvënia, anëtarësim në organizatë mafioze dhe krime të tjera, që kanë të bëjnë më shumë me drogën dhe vjedhjet.
Mes të arrestuarve janë edhe 2 drejtues “të lartë”. Cosa Nostra ka marrë hov dhe po zhvillohet, teksa ka gjetur shtrirje në thuajse mbarë fushat e shoqërisë italiane, në tërësi. Sidoqoftë, pretenduesi për të pasur kreun e Riina, Matteo Messina Denaro është në arrati, ndërsa pasues të tjerë potencial janë duke vuajtur dënime në burgje të Italisë.
