Një plagosje me armë zjarri ka ndodhur mbrëmjen e kaluar në qytetin e Tropojës, ku 33-vjeçari Alban Haklaj është qëlluar nga 24-vjeçari Genti Vatnikaj. Ngjarja dyshohet se ka ndodhur pas një konflikti për motive të dobëta. Alban Haklaj ndodhet në spital ku po merr ndihmë mjekësore ndërsa gjendja e tij raportohet jashtë rrezikut për jetën. Autori i plagosjes Genti Vatnikaj është shpallur në kërkim ndërkohë po hetohen shkaqet e kësaj plagosjeje.
Njoftimi i policise: Tropojë Plagosi me armë zjarri një shtetas, identifikohet dhe shpallet në kërkim autori i dyshuar. Më datë 10.12.2021, në një lokal në qytetin e Bajram Curri, është plagosur me armë zjarri shtetasi A. H., 33 vjeç, banues në Tropojë. Menjëherë në vendngjarje janë nisur shërbimet e Policisë, ku falë veprimeve të shpejta bënë të mundur identifikimin e autorit të dyshuar shtetasin G. V., 24 vjeç, banues në Tropojë, i cili dyshohet se për motive të dobëta ka qëlluar me armë zjarri shtetasin A. H. Në hyrje- daljet e qytetit, janë ngritur pika kontrolli, me qëllim kapjen e autorit. I plagosuri shtetasi A. H., ndodhet nën kujdesin e mjekëve në spitalin e Gjakovës, jashtë rrezikut për jetën. Në drejtimin e Prokurorisë, vijon puna për sqarimin e rrethanave dhe dokumentimin e ligjor të kësaj ngjarjeje.
