Gjetja e një trupi të pajetë në Marbella te Spanjës që dyshohet se i përket Miklovan Dakajt, ka bërë që policia spanjolle të marrë ADN e vëllait dhe vajzës së tij me qëllim krahasimin me atë të viktimës.
30-vjeçari me origjinë nga Shkodra rezulton i zhdukur prej datës 11 Maj dhe ditën e djeshme (1 Shtator) trupi i tij i pajetë është gjetur në bregun e Marbella.
Danaj dyshohet se ishte i përfshirë në trafikun ndërkombëtar të kokainës dhe kishte lidhje me klane kriminale ndërkombëtare. Zhdukja e tij ishte raportuar si në Spanjë, ashtu edhe në Shqipëri.
Autoritetet spanjolle, përkatësisht Guardia Civil, kanë nisur një hetim në Marbellë, ndërkohë që deri tani nuk janë bërë arrestime dhe nuk është dhënë informacion zyrtar mbi rrethanat e gjetjes së trupit.
Hetimet janë në vijim dhe po bashkëpunohet edhe me autoritetet shqiptare për të zbardhur plotësisht ngjarjen. Ndërkohë, autoritetet u bëjnë thirrje qytetarëve dhe mediave të mos përhapin informacion të pakonfirmuar lidhur me rastin, për të mos penguar procesin hetimor.
Miklovan Dakaj ishte babai i një fëmije të mitur dhe sipas gazetares Klodiana Lala, personi i fundit që takoi ishte bashkëshortja e tij.
Ka qenë e shoqja e 30-vjeçarit që ka bërë denoncimin në Spanjë për humbjen e kontakteve me bashkëshortin, ndërsa kallëzimi u bë edhe në policinë e Shkodrës.
Pas zhdukjes së tij, një person ka shkuar tek familja e tij dhe u ka thënë që “Miklovani është vrarë, mos e kërkoni”. Miklovan Dakaj ka qenë në burg në Itali për 3 muaj.
