Vdekja e 38-vjeçarit në Sanatoriumin e Tiranës për të cilin u raportua fillimisht se dyshohet se ishte i prekur nga “gripi i derrit”, ka ndodhur për shkak të një pneumonie të rëndë.
Lajmi është bërë i ditur nga burime zyrtare brenda Spitalit Universitar “Nënë Tereza”.
38-vjeçari ka humbur jetën ditën e sotme në Sanatoriumin e Tiranës. I ndjeri është shtetasi Hasan Ekmeçiu, nga Elbasani, i cili punonte si teknik në një televizion lokal.
Ekmeçiu ishte i shtruar në Sanatorium ndërsa paraprakisht u dyshua se ishte prekur nga “Gripi i derrit”. Ai është kuruar 4 ditë në Spitalin e Elbasanit, dhe pasi nuk ka reaguar ndaj kurës u transferua në “Sanatorium”, ku edhe ka ndërruar jetë.
