Kreu i Crypto Exchange Thodex është dënuar me 11 vjet dhe 196 ditë burg nga një gjykatë turke për krime të shumta përfshirë mashtrimin, udhëheqjen e një organizate kriminale dhe pastrim parash, shkruajnë mediat e huaja. Duke dhënë vendimin e saj, gjykata në Stamboll dënoi edhe dy vëllezërit e motrat e tij me burgime të gjata të ngjashme, duke i shpallur ata fajtorë për mashtrim të rëndë.
Thodex ishte shkëmbimi më i madh i kriptove në Turqi, por u akuzua në prill 2021 për mashtrimin të mijëra investitorëve të kriptove në afro 13 milionë dollarë sipas aktakuzës së prokurorisë. Pas këtyre akuzave ai u arratis në Shqipëri.
“Unë jam mjaft i zgjuar për të udhëhequr çdo institucion në Tokë. Kjo është e dukshme në këtë kompani që kam krijuar në moshën 22-vjeçare. Nuk do të kisha vepruar kaq amator nëse kjo do të ishte një organizatë kriminale”, tha ai para gjykatësit.
Ozer u arratis nga Turqia në 20 prill 2021 dhe u strehua në Shqipëri. Autoritetet turke nisën një hetim më 22 prill, pas një raporti se përdoruesit nuk mund të hynin në llogaritë e tyre të kriptomonedhave Thodex dhe se pronari i kompanisë kishte ikur jashtë vendit.
Bordi i Hetimit të Krimeve Financiare (MASAK) përcaktoi shumën e vjedhur nga i riu në plot 356 milionë lira. Sipas pretendimeve, shuma që ai ka marrë është 2 miliardë dollarë.
