DVP Vlorë Nga specialistët për Hetimin e Krimeve të Stacionit të Policisë Orikum u bë ndalimi i shtetasit Ermal Sherifi, pasi Gjykata e Rrethit Gjyqësor Vlorë e ka dënuar me 5 vjet burgim, nga të cilat i kanë mbetur për të vuajtur edhe 11 muaj e 11 ditë, për veprat penale “Kanosja” dhe “Armëmbajtja pa leje”.
Nga specialistët për Hetimin e Krimeve të Komisariatit të Policisë Vlorë u bë ndalimi i shtetasit Arlind Ngucaj, pasi Gjykata e Apelit Vlorë e ka dënuar me 1 muaj burgim, për veprën penale “Largimi nga vendi i aksidentit”.
Po nga specialistët për Hetimin e Krimeve të Komisariatit të Policisë Vlorë u referuan materialet në Prokurori dhe u bë shpallja në kërkim e shtetasit M. D., 31 vjeç, pasi ka marrë shërbim nga një taksi dhe është larguar pa bërë pagesën.
Nga specialistët e Qarkullimit Rrugor Vlorë u bë arrestimi në flagrancë i shtetasve: -H. Q., 58 vjeç, banues në Vlorë, pasi është përfshirë në një aksident me dëme materiale, gjatë kohës që drejtonte automjetin, në gjendje të dehur; -H. M., 64 vjeç, banues në Vlorë, pasi u kap duke drejtuar automjetin, në gjendje të dehur. Materialet iu referuan Prokurorisë, për veprime të mëtejshme.
