Sokol Rama u gjet i ekzekutuar me armë zjarri një ditë më parë brenda në makinë në zonën e Malëshovës, në vendin e quajtur “Përroi i Thellë”.
Policia ngriti dyshime se vrasësi i 32-vjeçarit është miku i tij Roland Milo.
Ky i fundit u arrestua ditën e sotme nga policia e Tepelenës.
Rama u gjet i vrarë 2 javë, pasi ishte raportuar i zhdukur nga familjarët.
Sipas policisë, Rama dhe Milo janë në listën e personave me precedentë penalë, për vjedhje dhe trafik narkotikësh.
Ndërkohë vrasja dyshohet se ka ndodhur për prishjen e pazareve të drogës.
