Trupi që u gjet sot i pajetë në trotuar tek zona e Brrylit i përket një të moshuari që dyshohet të ketë ndërruar jetë për shkaqe natyrale. Kështu konfirmoi policia në një informacion paraprak.
Informacioni paraprak i policisë:
Rreth orës 07:50, në rrugën “Vëllezërit Huta”, në trotuar , është gjetur pa shenja jete, trupi i pajetë i shtetasit S. B.,75 vjeç.
Nga këqyrja paraprake e trupit të pajetë, nuk janë konstatuar shenja dhune, apo dëmtime nga faktorë të tjerë.
Dyshohet se shkaku i vdekjes është për shkaqe natyrale.
Grupi hetimor po vijon punën për sqarimin e mëtejshëm të rrethanave të ngjarjes.
