Pajisja që shihni në foto mendohet se ka kryer regjistrimin e ish-kryebashkiakut Safet Gjici në zyrën e këtij të fundit, teksa kryente marrëdhënie seksuale me një grua.
Sipas prokurorisë, për filmimin e paligjshëm akuzohet Alma K., e cila përmes një pajisje, që i ngjan një gote kafeje ka arritur që të bëjë filmimin që fundosi Gjicin në karrierën e tij politike, duke përfunduar kështu në burg. Po të bësh kërkime në internet, kjo kamer e fshehtë mund të blihet për vetëm 400 dollarë.
Siç shihet edhe në fotot, kamera e fshehtë është në brendësi të kapakut të gotës plastike, në të cilën zakonisht shërbehen pijet e nxehta ose të ftohta. Duke qene se Safet Gjici ishte shumë i kujdesshëm dhe se nuk lejonte njeri në zyrë me çanta apo me celularë, pajisja e filmimit ishte vendosur në gotën plastike.
Nga filmimet e para duket se kamera ishte pozicionuar fillimisht në tavolinën e mbledhjeve të Safet Gjicit. Me pas aktit seksual, ne media doli dhe një fragment i dyte ku 40-vjeçarja duket që e mban në dorë kamerën teksa flet me Safet Gjicin për projektin e qenve. Pamjet e siguruara nga pajisja 400 dollarëshe i kushtoi Safet Gjicit karrierën dhe qelinë e burgut. Gjatë seancës së sotme të GJKKO, Safet Gjici u la sërish në ‘arrest me burg’ ndërsa gruaja në ‘arrest shtëpie.
