Dy të rinj në Korçë janë venë në pranga për veprën penale “Ndihma për kalim të paligjshëm të kufijve, kryer në bashkëpunim”. Njoftohet se të arrestuarit janë F. K., 22 vjeç, banues në Tiranë dhe R. B., 25 vjeç, banues në fshatin Stropan, Devoll.
Të rinjtë u vunë në pranga pasi u kapën në aksin rrugor Bilisht-Korçë, në afërsi të fshatit Eçmenik, duke transportuar në drejtim të Tiranës me mjetin tip “Volksëagen”, 4 emigrantë të paligjshëm të cilëve kundrejt fitimit iu kishin premtuar kalimin drejt vendeve të BE-së. Materialet i kaluan Prokurorisë të Rrethit Gjyqësor Korçë për veprën penale “Ndihma për kalim të paligjshëm të kufijve, kryer në bashkëpunim”.
