Brikel Alikaj ka marrë masën e sigurisë “arrest me burg”, pas arrestit dy ditë më parë nga policia e Vlorës, pas konfliktit që ndodhi në Spitalin e Vlorës.
Përplasja ka filluar pasi kushëriri i tij, Arbër Ferati në gjendje të rëndë shëndetësore, u bllokua brenda ambulancës, prej mosfunksionimit të derës.
Në videon e publikuar shihet se si në ambientet e spitalit familjarët e të ndierit janë konfliktuar me policinë dhe mjekët.
Arbër Ferati ndërroi jetë, pasi ra në kontakt me kabujt e tensionit të lartë të rrëzuar përtokë, gjatë kohës kur po korrte grurin me autokambajna.
Menjëherë pas transportit në spital, dera e ambulancës është bllokuar.
Kjo gjë ka shkaktuar tension të situatës dhe përplasje të tyre me uniformat blu. Prokuroria ka kërkuar arrest me burg për të e pranuar nga gjyqtarja Vjola Canaj. Pala mbrojtëse e përfaqësuar nga Odeta Aliraj ka kërkuar lirim me kusht. Gjykata bazuar në pamjet filmike e ka cilësuar të ligjshëm arrestimin teksa ka pranuar kërkesën e prokurorisë.Nga Afrovita Hysaj
