Një burrë në Angli i cili u ndalua nga policia iu tha oficerëve se kishte vozitur pa patentë ose sigurim për më shumë se 70 vjet. Sipas BBC, përcjell Telegrafi, derisa ishte në patrullë, policia e ndaloi burrin të mërkurën në mbrëmje pranë Tesco Extra, në Bulwell, Nottingham.
Oficerët thanë se shoferi – i lindur në vitin 1938 – iu tha atyre se ai kishte vozitur pa patentë ose sigurim që kur ishte 12 vjeç dhe nuk ishte ndaluar kurrë nga policia.
Në Facebook, ekipi i policisë Bulwell, Rise Park dhe Highbury Vale tha që fatmirësisht ai nuk kishte pësuar kurrë aksident. “Fatmirësisht ai kurrë nuk kishte pësuar aksident, nuk i kishte shkaktuar dikujt lëndime dhe kurrë nuk kishte bërë që dikush të humbiste financiarisht, duke e goditur atë derisa nuk kishte sigurime”, shtoi ekipi
