Një shqiptar i arrestuar për trafik droge ka dalë para autoriteteve të drejtësisë italiane. Gjayë fjalës së tij para trupës gjykuese ka shprehur pendesën e tij për aktet e kryera. Pasi ka kërkuar fjalje ai është shprehur se i është futur trafikut të drogës për të përfituar më shumë para për të arritur të paguajë kurimin e babait të tij të sëmurë.
20-vjeçari kishte rreth një muaj që ndodhej në Pesaro, duke qëndruar në një rezidencë. Një praktikë që po përhapet aq shumë së fundmi me “turistët shpërndarës shëtitës”, që punësohen për 3 muaj me rrogë të mirë dhe ndërrohen me të tjerë kur ky afat i lëvizjes së lirë përfundon.
Korrieri shqiptar u kap teksa udhëtonte me një veturë me qira dhe kjo ka mjaftuar për të vënë në qendër të vëmendjes. Kështu ai u mbajt nën vëzhgim dhe të premten e kaluar, në kohën e drekës, policët ndaluan makinën në zonën e Cattabrighe, të bindur se ai mund të kthehej nga një karburant në Romagna. Dhe kështu ndodhi, sepse sapo 20-vjeçari u detyrua të dilte jashtë, policia gjeti një pako, as të fshehur, por në pamje të qartë në sediljen e pasagjerit, me rreth 100 gramë kokainë gati për shitje, sepse tashmë ishin të ndara në doza.
Kërkimi vazhdoi në banesën ku qëndronte dhe ku u gjetën të gjitha mjetet e dobishme për paketim të drogë një peshore precize, një prerës dhe sende të ndryshme. Kishte gjithashtu një kavanoz me oriz, një truk i përdorur nga tregtarët e drogës për të ruajtur më mirë kokainën. I riu kishte me vete edhe 500 euro që besohet se ishin të ardhura nga trafiku i drogës. Paraditen e djeshme, para gjyqtarit, ai ka bërë deklarata në gjuhën shqipe, i ndihmuar nga një përkthyes, informon media italiane.
Shqiptari pranoi akuzat dhe kërkoi falje, duke thënë se e bëri këtë për të pasur disa para për t’i dërguar familjes së tij, pasi babai është i sëmurë rëndë. Gjyqtari ka vërtetuar arrestin dhe ka vendosur masën e sigurimit arrest shtëpiak. Djali do strehohet përkohësisht te xhaxhallarët e tij deri në fund të procesit, teksa seanca u shty.
