Moti në vendin tonë ditën e sotme do dominohet nga masat ajrore të qëndrueshme. Sipas MeteoAlb, kthjellimet do të dominojnë deri në mesditë, ku në zonat malore pritet të shfaqen vranësira kalimtare. Pjesa tjetër e ditësdo sjellë kalime vranësirash nëpër të gjithë vendin tonë ndërsa shira të papërfillshëm do ketë zona e Alpeve.
Temperaturat e ajrit ulen me të paktën 2 gradë në vlerat minimale dhe maksimale duke u luhatur nga 15°C mëngjesi në zonat malore deri në 38°C mesdita në zonat e ulëta.
Era do fryjë e lehtë dhe mesatare duke arritur shpejtësi deri 40 km/h, nga drejtimi Perëndimor-Veriperëndimor ndërsa në det të hapur krijohet dallgëzim 3 ballë.
