Aktorja Robin Bernard, e njohur për rolin e saj në General Hospital, ka vdekur në moshën 64-vjeçare dhe detajet rreth vdekjes së saj janë misterioze.
Policia zbuloi trupin e pajetë të aktores në një fushë në San Jacinto, Kaliforni të martën, sipas RadarOnline. Qyteti i vogël ndodhet pothuajse 3 orë larg Los Anxhelosit dhe fusha ku u zbulua ndodhet pranë një rezidence që i përkiste aktores.
Policia është dërguar në vendngjarje pas një telefonate dhe ora e vdekjes së saj është shënuar në 4:05 të mëngjesit, sipas njoftimit.
Gjurmët e gishtërinjve të Robin Bernardit ndihmuan ekzaminuesin mjekësor të qarkut ta identifikonte atë. Megjithatë, RadarOnline.com theksoi se kjo është procedurë standarde dhe se të gjithë identifikohen ose nga shenjat e gishtave ose nga ID e tyre.
Një autopsi është caktuar për sot dhe rezultatet e toksikologjisë mund të zgjasin disa javë. Për momentin, shkaku i vdekjes nuk është përcaktuar.Aktorja luajti në 145 episode të General Hospital nga viti 1984 deri në 1990. Bernard gjithashtu u shfaq në Betty Blue (1986), Diva (1981) dhe Roselyne et les lions (1989), ndër të tjera.
