Urimi dhe nderimi për mësuesit duket i pazakontë, sepse jetojmë në një kohë të pazakontë. Jetojmë në kohën e luftës me armikun e padukshëm, COVID-19, i cili është përpjekur të vendosë botën nën thundër. Në këtë kohë betejash, kur një pjesë e botës ka detyrim të izolohet, një pjesë e vogël ka detyrimin të luftojë.
Dhe në frontin e parë të betejës, së bashku me mjekët dhe infermierët janë edhe mësuesit e nderuar, të cilët duke rrezikuar shëndetin e tyre dhe të familjeve, kryejnë me vetëmohim misionin fisnik të mësimdhënies. Më poshtë fjala e deputetit Vullnet Sinaj në ceremoninë e nderimit të mësuesve dhe ish-mësuesve dje në Selenicë.
Takimet ndaluan në Vllahinë, ku së bashku me kryetarin e bashkisë së Selenicës, Pëllumb Binaj shprehëm mirënjohje e nderuam mësues dhe ish-mësues të spikatur.
Për kontributin e tyre në fushën e arsimit dhe mësuesisë iu akordua titulli “Qytetar Nderi”, Qemal Sinanajt. Gjithashtu, u ndanë certifikata mirënjohjeje për kontributin e tyre në arsim për Lekë Caushaj, Mylazim (Njazi) Xhaferaj, Vezire Kapaj, Vangjelina Gjoka, Mimoza Kuci. Pas ceremonisë që u mbajt në shkollën e mesme të bashkuar “Mynyr Xhindi” patëm rastin për shkëmbime mendimesh dhe disa foto të rastit. Nderim punës edukative të mësuesve të Vllahinës!
