Dalin pamjet për djegien e makinave që ndodhi mëngjesin e sotëm në qytetin e Vlorës.
Në video duket qartë se një person i maskuar i ka vendosur flakën një automjeti në orët e para të mëngjesit dhe më pas ai është larguar me shpejtësi.
Zjarri i është vendosur makinës tip “Benz”, e cila ishte në pronësi të një vajze me iniciale M.S, ndërsa më pas ka marrë flakë dhe makina që ishte ngjitur me të e shtetasit me iniciale M.T.
Njoftimi i policisë:
“Sot, në lagjen “Pavarësia”, dyshohet se ka rënë zjarr dhe është djegur një automjet tip “Benz” i parkuar, në pronësi të shtetases M. S. Si pasojë e përhapjes së flakëve, është djegur edhe një automjet tjetër i parkuar aty pranë, në pronësi të shtetasit M. T.”
