Kjo këmbësore është padyshim me fat që është gjallë, pasi përfundoi në një gropë të madhe që u hap papritur nën këmbët e saj.
Kalimtarë të shumtë shtangën kur e panë të renë që u zhduk papritur para syve të tyre, në Lanzhou të Kinës. Siç mund të shihet edhe në këto pamje, që u postuan fillimisht në rrjetet sociale kineze e më pas edhe nga mediat atje, gropa 3 metra e thellë e 3 metra e gjerë, u hap në kohën kur këmbësorja po kalonte e shpenguar mbi të.
Ajo u shpëtua me anë të një litari dhe u dërgua me urgjencë në spital. Pasojat ishin dy brinjë të thyera dhe dëmtim në kokë nga rënia.
Gropa të tilla në rrugët e Lanzhou nuk kanë qenë të pazakonta vitin e fundit. Disa spekulojnë se shkak është ndërhyrja që po bëhet në metronë e qytetit.
