Një person ka vdekur dhe tre të tjerë janë plagosur pas breshërisë së kallashnikovit pasditen e sotme në Prishtinë. Ngjarja ka ndodhur në rrugën “Muharrem Fejza” në Prishtinë. Mediet ne Kosovë kanë publikuar pamjet e personave të shtrirë në tokë. Sipas të dhënave të dyshohet që konflikti ka ndodhur për cështje pronësie.
Policia e Kosovës sqaron se ‘’Në orën 15:50 ka ndodhur një rast gjuajte me armë. Në vendin e ngjarjes kemi gjetur 4 persona të plagosur. Janë transportuar në QKKU. Njëri prej tyre ka ndërruar jetë. Kjo është informata që kemi për momentin. Jemi duke pritur edhe prokurorin për të dalë në vendin e ngjarjes. Besoj që më vonë do të japim edhe info tjera, edhe për motivin. Për momentin nuk mund të spekulojmë asgjë për motivin” tha zëdhënësi Bajram Krasniqi.
Ndërsa nga spitali, mjeku Agron Çitaku ka treguar se të personat janë të plagosur në pjesë të ndryshme në trup dhe ndodhen në gjendje të rëndë. “Në ora 16:00 janë sjell me emergjencë. Personat kanë ardhur me lëndime të rënda trupore dhe janë në trajtim. Prej tyre, një në sallë, dhe dy tjerë janë në gjendje të rëndë”, ka thënë Çitaku.
