Ngjarje aspak e hijshme në stërvitjen e kampionëve të NBA, Golden State Warriors. Ylli i skuadrës, Draymond Green ka goditur me grusht në fytyrë shokun e skuadrës, Hordan Poole.
Gjithçka ka ndodhur në trajnimin e Golden State, me kolegët e dyshes së përfshirë në konflikt që kanë ndërhyrë për të shuar gjakrat.
Pas ndërhyrjes së stafit dhe basketbollistëve të tjerë, Green u dërgua në dhomat e zhveshjes për t’u qetësuar, ndërsa Poole vijoi me trajnimin.
Pritet që ekipi i Warriors të marrë masa përjashtuese për yllin e ekipit, duke dhënë shembull se të tilla sjellje nuk kanë vend në sport.Të shumta kanë qenë komentet në rrjetet sociale, të cilat e konsiderojnë Green si fajtor në këtë ndodhi.
