Një tjetër gur i përmasave të mëdha, ka rënë pasditen e sotme në aksin rrugor Balldre – Torovicë, në Lezhë. Fatmirësisht nuk ka pasur të lënduar.
Prej kohësh situata e rënies së gurëve në këtë zonë është alarmante. Ndërkohë, deri tani nuk është marrë asnjë masë për të frenuar fenomenin që po rrezikon çdo ditë jetë njerëzisht.
Nga rënia e shkëmbit, është vështirësuar për momentin njëri kah i lëvizjes së automjeteve, ndërkohë që banorët prej kohësh ndihen të rrezikuar nga ky fenomen.
Prej më shumë se një viti si pasojë e rënies së gurëve situata në Torovicë është mjaft problematike, ndërsa 1 vit më parë humbën jetën tre persona pasi makina në të cilën udhëtonin u godit nga një gurë.
