Kryeministri Edi Rama ka vijuar vizitën e tij dyditore në Turqi, në Mauzoleumin e atit themelues të Republikës së Turqisë, Kemal Ataturk. Gjatë ceremonisë së zhvilluar, Kryeministri Rama vendosi një kurorë me lule në varrin memorial të Mustafa Kemal Ataturkut.
Kryeministri Rama shkroi përshtypjet e tij në librin e vendosur në muzeun Ataturk. Varri memorial i Ataturkut është vendosur në Ankara dhe është projektuar nga arkitektët profesor Emin Onat dhe asistent profesor Ahmet Orhan Arda. Salla e Nderit është simboli ikonik i Anıtkabir dhe vendndodhja e varrit të Ataturkut. Muzeu i Ataturkut u hap më 21 qershor 1960. Artikujt personalë të Ataturkut, veshjet e tij dhe disa nga dhuratat e paraqitura të tij janë në ekspozitë në këtë muze.
Kryeministri Rama prej dy ditësh ndodhet për vizitë zyrtare në Ankara, Turqi, me ftesë të Presidentit Recep Tayyip Erdogan. I shoqëruar nga delegacioni shqiptar në përbërje të së cilit ishin disa prej ministrave të kabinetit qeveritar, gjatë kësaj vizite u nënshkruan një sërë marrëveshjesh me rëndësi në kuadrin e partneritetit strategjik mes Shqipërisë dhe Turqisë. Kjo vizitë, sipas Kryeministrit Rama, hap një kapitull të ri bashkëpunimi mes dy qeverive
