Ish-presidenti Ilir Meta ka postuar foton e parë pas largimit nga detyra e drejtimit të institucionit të kreut të shtetit, pas 5 vitesh në këtë post.
Meta shfaqet krah bashkëshortes së tij, kryetares së LSI Monika Kryemadhi dhe tre fëmijëve të tyre, Era, Bora dhe Besari.
Ai shprehet se sot familja e tyre është më e bashkuar. “Familja jonë nga sot është më e bashkuar. Paqe dhe mbarësi në familjet tuaja!”, shkruan Meta.
Meta i dorëzoi sot detyrën presidentit të ri Bajram Begaj i cili do të qëndrojë në këtë detyrë për 5 vitet e ardhshme.
Nga nesër, ish kreu i shtetit ka paralajmëruar rikthimin në opozitë ndërsa hapi i parë duket se do të jetë pjesëmarrja në konventën e LSI, partisë që ai themeloi që në vitin 2004 dhe e drejtoi deri në momentin e marrjes së detyrës së presidentit.
