Flamurtari dhe Tirana kanë ndarë nga një pikë në një ndeshje mjaft dramatike të luajtur në Vlorë. Vlonjatet kanë arritur të marrin një pikë vetëm në frymën e fundit të ndeshjes, atëhere kur gjithcka ishte menduar se do të përfundonte me fitoren e Tiranës.
Ardit Hoxhaj ka realizuar në minuten e fundit të ndeshjes duke vendosur rezultatin përfundimtar 2-2. Tirana ishte ajo që kaloi e para në avantazh me anë të hasanit ne minutën e katërt, por Flamurtari gjeti barazimin, pas një autogoli të Ngo. Tirana gjithsesi shënon sërish me Hasanin në pjesën e parë duke shkuar në shifrat 2-1. Një rezultat që ka qendruar në fuqi deri në minutën e 93-te, kur Ardit Hoxhaj ka barazuar për ti dhënë një barazim Flamurtarit. Pas takimit trajneri i Flamurtarit Dritan Sadedini e ka quajtur një pikë shpresë dhe një ndeshje ku ndoshta tashmë Flamurtari mund dhe duhet të mendoj per vazhdimësinë në kampionat.
Ardian Mema, trajneri i Tiranes, nuk e ka pranuar fjalen krizë tek Tirana, pavarësisht barazimit në Vlorë dhe faktit që një javë më parë humbi në derbi. Për trajnerin e Tiranës, skuadra e tij në ndeshjet e fundit e ka dhuruar rezultatin ndaj kundërshtarit. Flamurtari merr piken e dytë në kampionat, duke nisur të shpresojë tashmë, ndërsa javën e ardhshme luan në transfertë ndaj Teutës në Durrës.
