Prej pak vitesh, tradita ka ndryshuar dhe festat fetare nuk i lënë më bosh plazhet. Pas riteve fetare, të shumtë ishin ata që iu drejtuan plazhit! Por këtë vit pandemia e koronavirusit i ka ndikuar edhe festimet fetare dhe vete pushimet. Festa e kurban Bajramit u festua edhe në plazhe. Besimtarët që u gjenden me pushime, kaluan disa orë buzë detit para drekës tradicionale me familjen.
“Uroj këtë festë dhe uroj që festat e tjera të jenë sa më të mira.” “Tani në drekë e festojmë ne.” Pandemia e koronavirusit ndikoi festimet ashtu si edhe pushimet.
“Këtë herë është pak më e zbehtë.” Kjo ishte pamja këtë të premte në plazhin e Zvërnecit. Vlerësohet për pastërtinë dhe çmimet e ulta, ndërsa njihet edhe si plazhi i familjarëve.
“Në rregull është, por nuk shikoj shumë njerëz.” “Fundjavat janë të zhurmshme, por këtu ka qetësi.” Por për bizneset ky është sezoni i mbijetesës. “Krahasuar me vjet, ka më pak pushues, kryesisht janë maqedonas dhe kosovarë.” Sezoni turistik nisi të muajin qershor, por janë vetëm fundjavat ata që mbushin plazhet në vijën bregdetare.
