Mbetjet plastike pushtojnë një nga plazhet e Zverncit në nje gjatesi prej afro 1 km.Reshjet e shiut të ditëve të fundit ka sjellë dhe prurje të lulmit Vjosë. Por kësaj radhe prurjet nuk kanë përmbytur toka por kanë sjellë pa fund mbetje plastike.Vija bregdetare prej 1 kilometër është ndotur totalisht nga mbetjet plastike.
Peshkatarët e kësaj zone shprehen se ky plazh i virgjër tashmë po kthehet në vend grumbullimi mbeturinash.
“Shteti duhet të vëjë dorë në të tilla gjëra. Në të tilla raste, dëmi bëhet edhe për ambientin edhe për ne si peshkatarë. Ka 10 ditë që furtuna solli mbetje. Nga lumenjtë rrymat e detit i sjellin këtej. Ka rroba, mbetje plastike nga të gjitha. Plazhi ka qenë shumë i pastër. Nuk ka ardhur njeri. Po të gërmosh gjen vetëm mbetje.”
Peshkatarët
Fshatrat të cilët banojnë rreth lumit Vjosë prej kohësh lumin e shohin si vend për hedhjen e mbeturinave. Ndërsa në kohët kur rritet niveli i lumit mbetjet përfundojnë në bregun e detit në zonën e Zvërnecit./Shqiptarja.com
