- Selenicë
Policia ka arrestuar në flagrancë dy shtetas për kultivim të bimëve narkotike
Në vijim të kontrollit të territorit për parandalimin e kultivimit të bimëve narkotike dhe në bazë të informacioneve të siguruara në rrugë operative, Shërbimet e Policisë Selenicë kanë gjetur të mbjella disa bimë narkotike në fshatin Velçë në afërsi të dy banesave.
Në vijim të veprimeve Policia ka arrestuar në flagrancë dy pronarët e banesave, afër të cilave ishin kultivuar bimët narkotike:
S.Xh., 67 vjeç, banues në Velçë, Bashkia Selenicë.
B.Xh., 70 vjeç, banues në Velçë, Bashkia Selenicë.
- Policia ka arrestuar në flagrancë shtetasin S.S., 44 vjeç, banues në fshatin Buzmadh, Fier.
Arrestimi i tij u bë pasi është kapur në lagjen “11 Janari” duke drejtuar automjetin në gjendje të dehur. - Sarandë
Policia ka arrestuar në flagrancë një shtetas dhe një tjetër e ka proceduar në gjendje të lirë për veprën penale “Prodhimi dhe shitja e narkotikëve”.
Arrestohet shtetasi R.M., 18 vjeç, banues në fshatin Shelegar, Sarandë.
Arrestimi i tij u bë në vendin e quajtur “Çentrali” Sarandë pasi nga kontrolli fizik iu gjet një sasi lënde narkotike me peshë 1.38 gramë e llojit kokainë si dhe një sasi të vogël kanabis sativa.
Gjithashtu, Policia ka proceduar në gjendje të lirë shtetasin A.Z., 16 vjeç, pasi nga kontrolli fizik iu gjet një sasi e vogël kanabis sativa.
