/ATSH/ Studentët e Universitetit “Ismail Qemali”, Vlorë u njohën sot nga afër me bazat dhe parimet kryesore të të drejtave të Pronësisë Industriale.
Në vijim të trajnimeve që ka ndërmarrë Sektori i Promovimit dhe Qendra e Trajnimeve pranë Universitetit “Ismail Qemali” Vlorë, u zhvillua trajnimi i radhës në lidhje me objektet e Pronësisë Industriale. Studentët u informuan mbi rëndësinë e mbrojtjes së markës tregtare dhe të shërbimit, patentës për shpikje, dizenjos industriale dhe treguesve gjeografikë.
Nga të pranishmit nuk munguan pyetjet dhe kurioziteti për të mësuar koncepte të reja rreth objekteve të PI-së. Pjesëmarrja në këtë trajnim ishte e lartë çka tregoi edhe një herë interesimin e brezave të rinj mbi fushën e Pronësisë Industriale./k.s/ /a.g/
