Dje ishte një tjetër ditë me diell në Vlorë. Një ditë pushimi, një ditë për t’u argëtuar e luajtur, sidomos për fëmijët. Të rriturit e kanë të zgjidhur, dalin për kafe e ndonjë shëtitje buzë detit ( po sikur të mos e kishim detin!) Po fëmijët?! Kjo është një fushë sporti që bashkia ka ndërtuar në një prej lagjeve të qytetit dhe si kjo janë disa të tilla në qytet. Është krejtësisht e dëmtuar, e shqyer nga të gjitha anët. Në këtë gjendje janë të gjitha, anembanë qytetit komuniteti nuk i ka mirëmbajtur, t’i perdorte si vende lojrash për fëmijët e tyre, perkundrazi, i ka dëmtuar sistematikisht ose më e pakta, ka qëndruar indiferent kur i ka parë që dëmtoheshin. Sa mirë do të ishte sikur komuniteti të angazhohej dhe t’i rikthente në gjendje normale këto terrene sportive, të tregonin minimumin e qytetarisë, jo vetëm derë e brenda!Nga Ergys Alushi.
