Në kuadër të një operacioni të zhvilluar për lidhjet e kundraligjshme të energjisë elektrike në të gjithë vendin janë evidentuar 51 raste vjedhje, duke bërë që të bien në pranga 11 persona dhpallen në 14 14 të tjerë dhe procedohen penalisht 26 qytetarë.
Sipas policisë rastet e evidentuara kishin bërë lidhje të paligjshme të energjisë elektrike ose kishin ndërhyrë në matësit elektrikë në banesa apo ambiente të tjera, me qëllim për të vjedhur energjinë elektrike.
Njoftimi i plotë: Evidentohen 51 raste të vjedhjes së energjisë elektrike/Vihen në pranga 11 shtetas, procedohen penalisht 26 shtetas dhe shpallen në kërkim 14 të tjerë.
Strukturat e Policisë së Shtetit, në vijim të punës për parandalimin e vjedhjes së energjisë elektrike, gjatë kontrolleve të përbashkëta me OSHEE-në, kanë evidentuar 51 raste të vjedhjes së energjisë elektrike, në të gjithë vendin.
Në përfundim të veprimeve hetimore, shërbimet e Policisë kanë proceduar shtetasit që kishin bërë lidhje të paligjshme të energjisë elektrike ose kishin ndërhyrë në matësit elektrikë në banesa apo ambiente të tjera, me qëllim për të vjedhur energjinë elektrike, konkretisht:
DVP Vlorë/Nga specialistët për Hetimin e Krimit në Komisariatin e Policisë Vlorë u procedua penalisht shtetasi M. I. dhe u shpallën në kërkim shtetasit M. M. dhe A. K.
Gjithashtu operacioni për lidhjet e kundraligjshme të energjisë elektrike në të gjithë vendin janë evidentuar edhe ne qytete te tjera si: Fier, Lezhe, Diber, Shkoder, Durres, Berat, Gjirokaster, Tirane.
Strukturat e Policisë do të vijojnë kontrollet në të gjithë vendin, për të parandaluar, evidentuar dhe goditur paligjshmërinë në cilëndo fushë që ajo shfaqet. Policia e Shtetit fton qytetarët që të denoncojnë në numrin 112 dhe në Komisariatin Dixhital, çdo rast të paligjshmërisë.
