Foto ilustuese

Dy persona janë vënë në prangat e policisë ndërsa një i tretë është shpallur në kërkim pasi akuzohen për një vjedhje të një makine dhe një kasaforte në banesën e B.M në Babrru të Kamzës, ngjarje kjo e ndodhur më 29 korrik 2019.

Policia dy të arrestuarve u ka sekuestruar automjetin e vjedhur si dhe një automjet që ata lëviznin. Në pranga ka rënë F. Ll.,  36 vjeç, lindur në Mirditë dhe banues në Fushë Mëzes/Tiranë (proceduar më parë për “Kalim të paligjshëm të kufirit); E. C., 35 vjeç,  lindur dhe banues në Tiranë. Si dhe u shpall në kërkim: E. C.,  37 vjeç lindur dhe banues në Tiranë.

Këta persona në bashkëpunim me njëri-tjetrin më 29 korrik 2019, në Babrru i kanë vjedhur në banesë e B. M., kasafortën me një sasi të konsiderueshme eurosh  dhe automjetin e tij.
Të arrestuarit akuzohen për veprën penale  “Vjedhja”  kryer në bashkëpunim.