Autori i grabitjes së një pike të këmbimit valutor në Tiranë dyshohet se ka arritur të marrë 2 milionë lekë të rinj. Ky ishte dhe pretendimi i pronarit të biznesit, në dëshminë e dhënë para hetuesve.
Burimet bëjnë me dije e autori, ende i paidentifikuar, fillimisht ka pritur te lulishtja përballë dyqanit dhe në momentin që ka ardhur koha për ta mbyllur, ka hyrë për të bërë grabitjen me një pistoletë lodër. Më pas ai ka përfituar nga errësira dhe është larguar në rrugicat e lagjes. Policia ka sekuestruar disa kamera sigurie, për të bërë të mundur identifikimin dhe arrestimin e tij.
