Arrestohet në arrati shtetasi S.L., 31 vjeҫ, i cili vodhi dyqanin e shtetasit V.Q., në fshatin Sheqeras në Maliq si dhe ka kanosur nëpërmjet telefonit vajzën e pronarit të dyqanit. Në dyqanin e shtetasit V.Q., ai vodhi artikuj të ndryshëm ushqimor dhë paketa cigare më vlerë 20.000 lekë. Ky shtetas ka qenë i dënuar më parë disa herë për veprën penale “Vjedhja”. Gjatë qëndrimit në ambjentet e komisariatit Korҫë, 31 vjeҫari, ka tentuar të largohet, por u kap menjëherë nga policia.
Më poshtë deklarata e plotë : Specialistët për Hetimin e Krimeve në Komisariatin e Policisë Maliq, bënë ndalimin e shtetasit në kërkim S. L., 31 vjeç, banues në fshatin Sheqeras, Maliq (i dënuar më parë disa herë për veprën penale “Vjedhja”). Shtetasi i mësipërm më datë 30.08.2020, ka vjedhur në dyqanin e shtetasit V. Q., në fshatin Sheqeras, artikuj të ndryshëm ushqimorë dhe paketa cigare në vlerën 20.000 lekë, si dhe ka kanosur nëpërmjet telefonit vajzën e pronarit të dyqanit. Gjithashtu 31-vjeçari, në momentin që ka qenë i shoqëruar në ambientet e Komisariatit Korçë ka tentuar të largohet, por u kap menjëherë dhe u prangos nga policia. Materialet i kaluan Prokurorisë të Rrethit Gjyqësor Korçë për veprat penale “Vjedhja”, “Kanosja”, “Përdorimi me keqdashje i thirrjeve telefonike” dhe “Largimi i të burgosurit nga vendi i qëndrimit, mbetur në tentativë”.
