Për herë të parë në Shqipëri në zgjedhjet e 25 prillit do të realizohet verifikimin elektronik i votuesve. Lajmi i cili është bërë i ditur edhe më herët, teksa ditën e sotme në një njoftim të publikuar nga Komisioni Qendror i Zgjedhjeve mësohet se pas verifikimit, nënshkrimi bëhet në mënyrë elektronike duke lënë shenjën e gishtit. Ndërkohë sipas njoftimit pajisja verifikon dhe pengon votimin e dyfishtë.
Njoftimi i plotë:
Verifikimi elektronik i votuesve do të zbatohet për herë të parë në Shqipëri në zgjedhjet elektorale të 25 prillit 2021. Pajisja lexon dhe regjistron të dhënat e votuesve, qendrën e votimit dhe foton. Pas verifikimit, nënshkrimi bëhet elektronikisht duke lënë shenjën e gishtit. Të dhënat ruhen sipas standardeve të sigurisë dhe asgjësohen pas përfundimit të procesit zgjedhor. Kujdes! Pajisja verifikon dhe pengon votimin e dyfishtë.
