Orët e para të ditës do të jenë me kthjellime në ultësirën perëndimore dhe me vranësira kalimtare në zonat malore. Por gjatë orëve në vijim vranësirat do të shtohen, ku me të theksuara do të jenë në zonat malore duke krijuar mundësi të pakët për reshje.
Sipas MeteoAlb temperaturat e ajrit do të rriten në mëngjes, por do të mbeten të pandryshuara në mesditë duke luhatur vlerat ditore nga 16°C deri në 38°C. Era do fryjë e lehtë në tokë dhe mesatare në det me shpejtësi 35 km/h nga drejtimi veriperëndimor duke krijuar dallgëzim 3 ballë.
