Gjykata vendos masën e sigurisë arrest me burg për Esat Canin ndërsa vendosi arrest shtëpie për Elida Cani dhe Defrim Kurtin. Gjykata e Tiranës ka vendosur masën “arrest me burg” për Esat Canin i cili akuzohet se ka vrarë me sende të forta Arben Gjecin. Ndërkohë që ka lënë në “arrest shtëpie”, Defrim Kurtin dhe Elida Canin të cilët akuzohen për “moskallëzim krimi”.
Autori i dyshuar i krimit, Esat Cani, ka pranuar të ketë debatuar me viktimën ditën kur ndodhi ngjarja, por mohon ta ketë vrarë atë. Ai ka rrëfyer se ishte bashkëshorti i Elidës, Dëfrim Kurti që kishte zbuluar tradhtinë. Të dy të rinjtë kishin vendosur të mbanin nën vëzhgim 20-vjeçaren për ta kapur në flagrancë me të dashurin.
Burime policore thanë se ata i kanë kapur në një kasolle dhe në gjaknxehtësi e sipër vëllai i Elidës e ka sulmuar 30-vjecarin Gjeçi me levë. Babai i 3 fëmijëve ka marrë plagë të rënda në kokë nga të cilat gjeti vdekjen në spital. Trupi i tij u la në anë të rrugës ku u gjet nga kalimtarët. Ishin mjekët që kanë kuptuar se viktima ishte vrarë, dhe nuk ishte aksidentuar, siç u tentua të fshihej krimi.
