Mauro Icardi duket se ka arritur që të bindë Wanda Narën që të vijojnë lidhjen mes tyre. Për të sqaruar më tej situatën ka menduar sulmuesi i PSG, i cili, përmes një postimi në Instagram, njofton pajtimin me gruan dhe agjenten e tij.
Pavarësisht tradhtisë së pretenduar të futbollistit, qetësia për çiftin më të diskutuar të ditëve të fundit duket se është rikthyer Icardi postoi dy fotografi në Instagram me Wanda dhe në tekstin shoqërues shpjegoi: “Faleminderit dashuria ime që vazhdon të besosh në familjen tonë të mrekullueshme, faleminderit që je motori i jetës sonë! Të dua! Të dhemb nëse i lëndon të dashurit e tu, shërohesh vetëm kur ata të falin”.
