Organizimi dhe artistët pjesëmarrës tek ‘Festivali i këngës’ befasoi opinonin publik. Dy festivalet më të mëdha të muzikës në trojet shqiptare ajo e ‘Festivalit të këngës’ dhe ‘Këngës magjike’ kanë një historik bukur të gjatë që daton nga viti 1962 respektivisht 1999.
Ndonëse ‘Kënga magjike’ starton më herët prezantimin e artistëve të kategorisë ‘new’ dhe ‘big’, netët finale të të dy festivaleve mbahen në muajin dhjetor në po të njëjtin vend tek ‘Pallati i kongreseve’ në Tiranë. Muaji i kaluar ishte i mahnitshëm për adhuruesit e muzikës ngase të dy festivalet edhe pse krijuan në fund polemika për shkak të votimeve dhuruan spektakël për ditë me radhë.
Por, ndryshe nga vitet e paraprake kur në publik dhe në portale flitej që fituesi i ‘Këngës magjike’ meriton prezantimin e Shqipërisë në ‘Eurovizion’ për shkak një gare më të fortë që ekziston në këtë kompeticion sesa atë tek ‘Festivali i këngës’, konkurrentët në këtë të fundit lanë ‘gojë hapur’ të gjithë muajin dhjetor. Me tu publikuar lista e këngëtarëve që do marrin pjesë edicionin e 58-të të festivalit të organizuar nga ‘RTSH’, tek publiku lindi një entuziazëm se ky vit do jetë i suksesshëm për Shqipërinë në garën ndërkombëtare të ‘Eurovizion’. Emra të ri artistësh që kishin fascinuar edhe më parë me performancat e tyre, dhe ikona të muzikës shqiptare që ia kanë kushtuar jetën muzikës krijuan një laramani në vokale dhe stile muzikore gjë çfarë karakterizoi këtë ‘event’.
Për disa artistë kjo nuk ishte hera e parë që po performonin në ndonjë festival muzikor, por për Robert Berishën kjo ishte hera e parë që po ngjitej në skenën e ‘Festivalit të këngës’, dhe ishte debatuar shumë para fillimit të garës se nuk është i mirë në performancat ‘live’ por me interpretimin e tij ai demantoi këto zëra. Pra ky kompeticion ndihmoj shumë artistë që ta rregullojnë edhe imazhin e tyre tek publiku shqiptar.
22 konkurrentë 22 vokale por vetëm njëri nga ta do fitonte të drejtën e përfaqësimit të Shqipërisë këtë vit në ‘Eurovizion’ dy emra që me paraqitjet e tyre dhe garën e fortë që dhuruan deri në natën finale Elvana Gjata dhe Arilena Ara do memorizojnë edicionin e 58-të të këtij festivali tek publiku si një nga garat më të mira në historinë muzikore shqiptare.
Elvana Gjata hyri në historinë e këtij kompeticioni me këngën “Me tana” e shkruar nga vetë ajo duke arritur mbi tre milionë klikime në Youtube që në javën e parë çfarë e bën atë këngëtaren më të dëgjuar në këtë festival.
Ndërsa fituesja e ‘Festivalit të këngës’ Arilena Ara me baladën ‘Shaj’ të shkruar nga Lindon Berisha dhe kompozuar Darko Dimitrov dhe Lazar Cvetkovski hyn në listën e këngëtarëve më të rinj që kanë prezantuar Shqipërinë në këtë garë. Gjithë shkëlqimi i artistëve si atyre që performuan në ‘Festivalin e këngës’ ashtu edhe tek ‘Kënga Magjike’ u ‘zbeh’ nga votimet, fenomen që vazhdon tash e disa vite të penalizoj këto kompeticione.
