Biznesmeni Ylli Ndroqi, ka takuar mesditën e sotme stafin e televizionit Ora dhe Ora News. Ndroqi është shprehur se puna duhet të vijojë normalisht me përkushtim në shërbim të së vërtetës pasi sipaj tij , kjo nuk ësht furtuna e parë dhe as e fundit.
Marrë nga Ora News: Në të dy televizionet Ora dhe Ora News puna nisi si zakonisht pa harruar respektimin e masave kundër përhapjes së koronavirusit. Të gjithë gazetarët, operatorët, teknikët administrata ishte në punë për të vijuar detyrën tonë, për të raportuar ngjarjet, problematikat dhe denoncuar skandalet. Për të thënë të vërtetat që shumë të tjerë nuk i thonë.
Dita nis me mbledhjen e zakonshme në redaksi, ku drejtori iu informacionit Brahim Shima ndau punët për ngjarjet që duhet të ndiqen gjatë ditës. E ndërsa po jepeshin porositë për grupet e xhirimit, presidenti i Yldon Media Group Ylli Ndroqi mbërriti në redaksi për t’i përcjellë mesazhin se gjithçka do të shkojë në vendin e duhur.
Ylli Ndroqi: Ju jap kurajo të jemi më të përkushtuar për punën dhe tu tregojmë opinionit publik që jemi këtu për të përcjellë vetëm të vërtetën. Për Ndroqin, ky nuk është sulmi i parë politik që i bëhet kësaj media madje nuk do të jetë as i fundit
Ylli Ndroqi: Me qetësi se çdo gjë do të shkojë në vendin e duhur, po nuk patëm furtuna të tilla normalisht nuk do të ekzistojmë më dhe nuk do të bënim punën që kemi marrë përsipër ta bëjmë. Për gati 13 vite une nuk di të jem bërë palë me të majtën a të djathtën. Ka pasur problem edhe në kohën e PD-së, në kohën e PS-së, në kohën kur Rama ka qenë kryebashkiak, në kohën e Bashës, por edhe me Erion Veliajt. Por më interesanti dhe njeriu që nuk përballet dot me të vërtetën është Erion Veliaj dhe ky është sulm politik. Presidenti u largua nga redaksia duke u përcjellë mesazhin të mos ndalin punën për t’u përcjellë qytetarëve të vërtetën dhe vetëm të vërtetën.
