Një atentat me armë zjarri është regjistruar mbrëmjen e sotme në qendër të Lushnjes, pranë një lokali. Si pasojë e të shtënave, ka mbetur i vdekur një person i identifikuar si Bledar Muço, rreth 40-vjeç, si dhe janë plagosur 6 persona të cilët quhen: Ilmir Velo, Sara Liçi, Sara Cauli, Majlinda Gjyla, Ervis Tafa, Judmir Velo, 32 vjeç.
Të plagosurit janë transportuar në spital për ndihmë mjekësore. Forca të shumta policie kanë rrethuar zonën dhe kanë nisur hetimet për zbardhjen e ngjarjes dhe identifikimin e autorëve. Ngjarja e rëndë ka ndodhur në një zonë mjaft të populluar duke krijuar panik dhe frikë mes banorëve.
