Teksa Festivali i Këngës po afron, gjithnjë e më shumë shtohet kureshtja për emrin që do ta përfaqësojë Shqipërinë në Eurovision. Nëse jo fituesi, emrat e disa prej pjesëmarrësve janë zbuluar nga faqja Eurovision Kosovo, dhe mes tyre janë këngëtarë të njohur si Alban Ramosaj, Ronela Hajati, Endri dhe Stefi, Rezarta Smaja etj.
Emri i Ronela Hajatit ishte përmendur më herët nga mediat si pjesëmarrese në Festival, madje edhe ajo vetë e ka shprehur dëshirën për diçka të tillë. Edhe Alban Ramosaj e ka shprehur dëshirën për pjesëmarrjen në Festivalin e fundvitit, pasi triumfoi në “Këngën Magjike” me “Thikat e mia”.
Këngëtarët që mendohet se do marrin pjesë në Festival:
Ronela Hajati , Alban Ramosaj, Denis Shkura, Edis Arrnjeto, Evi Reci, Endri dhe Stefi, Ester Zahiri, Gjergj Kacinari, Jenex, Kastro Zizo, Kelly, Kejsi Rustja, Mirud, Olimipa Smajlaj, Rrezarta Smaja, Sainir Çili, Shega, Urban Band, Vila Xhemajli, Xhuliana Pjetra
Kujtojmë që vitin e kaluar Shqipëria u përfaqësua në Eurovision nga Anxhela Peristeri me këngën “Karma”. Ndërkohë, fitues të Eurovisionit u shpallën grupi Italian Maneskin me këngën e tyre rock, “Zitti e buoni”. Edhe pse Italia u shpall fituese, finalja e Eurovision nuk do të mbahet në kryeqytet siç ndodh zakonisht, por në Torino, pasi teknikët e EBU refuzuan disa prej sallave në Romë.iconstyle
