Një tjetër skemë mashtrimi përmes Call Center-ave është zbuluar nga policia. Në kuadër të operacionit të koduar “Call me” u vunë në pranga një Frenk Lumi 26 vjeç dhe Desar Bano 42 vjeç. Zbulohet një skemë mashtrimi përmes Call Center-ave në Durrës. Operacioni i policisë “Call me” ka çuar në pranga 2 persona që mashtronin me transakionet financiare, duke përfituar shuma të konsiderueshme parash, nën mbulimin e aktivitetit si call center.
NJOFTIMI I POLICISE Finalizohet operacioni policor i koduar “Call me”. Operacioni i zhvilluar nga Seksioni kundër Krimit Ekonomik dhe Financiar në DVP Durrës, për goditjen e veprimtarisë kriminale në fushën e mashtrimit kompjuterik.
Vihen në pranga 2 shtetas. Sekuestrohen dhjetëra pajisje kompjuterike.
Në vijim të punës për parandalimin, evidentimin dhe goditjen e veprimtarisë kriminale në fushën e mashtrimeve kompjuterike, bazuar dhe në informaconet e siguruara në rrugë operative, nga Seksioni kundër Krimit Ekonomik dhe Finanaciar në DVP Durrës, u organizua dhe u finalizua operacioni policor i koduar “Call me”. Në kuadër të këtij operacioni u bë arrestimi në flagrancë i shtetasve: L., 26 vjeç dhe D. B., 42 vjeç, të dy banues në Durrës.
Arrestimi i tyre u bë pasi në bashkëpunim me njëri-tjetrin dhe me persona të tjerë, nëpërmjet platformave të ndryshme elektronike, kryenin mashtrime dhe transaksione financiare, duke përfituar shuma të konsiderueshme parash, nën mbulimin e aktivitetit si call center.
Vijon puna për identifikimin dhe kapjen e personave të tjerë të përfshirë në këtë aktivitet kriminal. Materialet i kaluan Prokurorisë së Rrethit Gjyqësor Durrës, për veprime të mëtejshme, për veprat penale “Mashtrim kompjuterik”, “Ushtrimi pa licencë i veprimtarive financiare”, “Fshehja e të ardhurave” dhe “Pastrim i produkteve të veprës penale”.
