Me zonja demokrate anëtare të Lidhjes Demokratike të Gruas të lagjeve “10 Korriku” dhe “Osman Haxhiu” në qytetin e Vlorës takime me z Bujar Leskaj. PD e bazon të gjithë potencialin e ndryshimit, tek forca progresiste e të rinjve dhe e vajzave e grave në shoqëri dhe ekonomi. Zonjat demokrate janë një prej shtyllave ku do të mbështetet Partia Demokratike në fushatën e saj elektorale, fushatë e cila me pjesëmarrjen e tyre do të jetë plot dinamizëm e qytetari.
Zonjat demokrate janë simbol i qëndresës, energjisë, kulturës e tolerancës, janë garancia e fitores sonë dhe e së ardhmes! Partia Demokratike në programin e saj ka shumë reforma, të cilat kanë në qendër zonjat dhe rininë për nxitjen e ekonomisë, punësimin, nxitjen e biznesit. Për PD, barazia gjinore nuk është thjesht një objektiv, por një kusht themelor, pa të cilin nuk mund të flasim për zhvillim të qëndrueshëm dhe qeverisje të mirë, për integrim evropian dhe prosperitet të vendit.
Pikërisht angazhimi përpara zonjave, nënave e motrave vlonjate, është që ekipi i përzgjedhur nga kryetari Basha do të punojë me përulësi, përkushtim dhe se qeveria e re do të jetë shërbestare e popullit. Objektivat e PD janë të qarta dhe programet e saj ekonomike i japin hapësira të gjera dhe mbështetje të plotë vajzës dhe gruas shqiptare.
U angazhova në emër të Partisë Demokratike se pjesëmarrja e grave në vendimmarrje do të jetë faktike dhe jo thjesht për numra. Takimet u organizuan nga kryetarja e LDG Vlorë, Alta Haluci. Ishin të pranishme ish- deputetja Nada Meçorapaj, nënkryetarja e PD Vlorë, Nada Daullja. Me zonjat e qarkut të Vlorës në krah, të gjithë së bashku do t’ia dalim që 25 Prilli të kthehet në një ditë historike për Shqipërinë e shqiptarët.