Ditën e sotme Xavi Hernandez do të prezantohet si trajneri i ri i Barcelonës, në orën 13:00. 41-vjeçari do të kthehet ditën e sotme në “Camp Nou” pas gjashtë vitesh mungesë. Gjatë prezantimit si trajner i Barçës, në “Camp Nou” priten diku tek 25 mijë spektatorë, sipas “Mundo Deportivo”, që do të mbështesin Xavin në këtë eksperiencë të re.
Aktualisht Barcelona ndodhet në vendin e nëntë në tabelën e klasifikimit, ku ka grumbulluar 17 pikë në 12 ndeshje të luajtura. Në katër ndeshjet e fundit katalanasit kanë arritur të grumbullojnë vetëm 2 pikë, duke vështirësuar akoma më shumë situatën. Me ardhjen e trajnerit të ri te Barcelona shpresojnë që të kthehen të krye të tabelës së klasifikimit.
