Kryetari i bashkisë Dritan Leli, Prefekti Flamur Mamaj, deputetë të partisë socialiste dhe deputetë të partisë demokratike nderojnë dëshmorët e Vlorës me rastin e 77 vjetorit.
Lavdia e njerëzve të luftës që prehen në kodrën historike të Vlorës na kujton çdo ditë trimërinë, atdhedashurinë dhe vlerat e larta të atyre që çliruan qytetin. 15 tetori i Çlirimit të Vlorës nga pushtuesit, është data më e rëndësishme e krenarisë dhe historisë që kemi, për të gjithë jugun e Shqipërisë. 77 vite më parë, Vlora vendosi vetë, për të tretën herë, të ardhmen e saj!
Asnjëherë nuk do të mjaftojnë nderimet për trimat që e rifituan lirinë e flamurit që valvitet mbi këtë kodër që mban emrat e triumfuesve të betejave të ashpra. Lavdi dëshmorëve të Vlorës.
