Një make-up perfekt s’mund të jetë i tillë nga hiçi, ndaj duhet të përdoren disa truqe të vogla për t’u dukur të freskëta edhe shumë orë pas grimit. Gjithçka që ju duhet të bëni është të “piqni” grimin, që nënkupton vendosjen e një pudre të thatë në fytyrë, rreth 5-10 minuta.
Hap pas hapi, po ju tregojmë si ta “piqni” fytyrën, që të shkëlqeni gjatë gjithë ditës dhe të tjerët të pyesin veten se në cilën grimiere profesioniste e keni bërë makeup-in!
1-Krem hidratues poshtë syve
Vendosni një krem për të hidratuar zonën poshtë syve tuaj, për të vendosur më pas grimin. Një lëkurë e hidratuar do t’i tregojë më pak rrudhat dhe pudra do të mund të qëndrojë më mirë mbi të.
2-Korrektor poshtë syve
Pasi lëkura të ketë përthithur kremin hidratues, vendosi një shtresë të hollë korrektori, të cilën do ta përhapni me një sfungjer të njomë.
3-Më shumë korrektor
Për një rezultat më perfekt në përfundim të grimit, do të ishte mirë të vendosni më shumë korrektor. Kështu, pudra do t’ju qëndrojë më gjatë. Gjithmonë përhapeni me sfungjerin e njomë.
4-Pudra transparente
Me një furçë, vendosi në zonën ku keni aplikuar korrektorin pudër të thatë transparente, e cila do të ndihmojë makeup-in tuaj të qëndrojë më gjatë dhe të marrë yndyrën që prodhon fytyra.
5-Piqe makeup-in tënd
Apliko me një sfungjer të lyer me fiksues makeup-i (spray), mbi zonën ku ke vendosur pudrën e thatë. Kjo quhet “pjekje e makeup-it”. Lëre të thahet për 5 ose 10 minuta.
6-Përhap pudrën e mbetur
Pasi kanë kaluar 5 apo 10 minuta, përhap me një furçë pudrën e mbetur pas “pjekjes” dhe kaq ishte! Tani grimi yt do të qëndrojë perfekt gjatë gjithë ditës!
