Një Italian dhe një britanik janë ndaluar nga policia spanjolle pasi kanë refuzuar të paguajnë faturat në restorantet ku kanë drekuar.
Pushuesi britanik refuzoi të paguante një darkë, fatura e të cilës shkonte rreth 900 euro në një restorant në Ibiza.
Ai u tha kamerierëve që ai nuk do të paguante faturën pasi mbaroi ëmbëlsirën e tij.
Menaxherët e restorantit thirrën policinë, e cila e ndaloi nën dyshimin e mashtrimit dhe e çuan në një stacion lokal policor, përpara se ta dorëzonin në Gardën Civile.
Ai qëndroi dy netë në paraburgim, dhe më pas shkoi para gjykatës.
Muajin e kaluar një turist italian u arrestua në një restorant në ishullin fqinj të Formentera pasi nuk pranoi të paguante një faturë prej 400 eurosh.
46-vjeçari Italian kishte porositur ushqimet më të mira në restorant dhe pasi i kishte konsumuar tha se nuk mund të paguante.
