Kompania Italiane “Aeroporti di Puglia” mund të marr me koncesion 35-vjeçar administrimin e aeroportit të ri të Vlorës. Lajmi është bërë i ditur nga media e përditshme italiane ‘Corriere della Sera’, e cila informon se kompania italiane kandidon për të ‘qeverisur’ aeroportin e ri të Vlorës, që synon t’i jap një zhvillim më të madh turistik jugut të Shqipërisë.
Kuotat e kompanisë “Aeroporti di Puglia” janë 99.5% në zotërim të rajonit të Puglias. Projekti shqiptar parashikon partnership me kompani private për administrimin e infrastrukturës së aeroportit të Vlorës.
Qeveria shqiptare kishte hyrë më parë në bisedime me një shoqëri turke e përbërë nga tre kompanitë Cengiz, Kalyon e Kolin Construction, pa mundur të nënshkruajë një marrëveshje për shak të mosgjetjes së përputhjeve ekonomike. Media italiane informon se përgjigja e parë ndaj propozimit të “Aeroporti di Puglia” do të vijë ditën e mërkurë 18 shtator në panairin ‘Fiera di Levante’ të Barit, ku pritet të zhvillohet një takim mes kryeministrit shqiptar Edi Rama e drejtuesve të lartë të kompanisë italiane.
Më pas pritet të zhvillohet një tjetër takim në Vlorë ku do të marrin pjesë si kryeministri shqiptar Rama ashtu dhe ministrja e Infrastruktrës dhe Energjitikës, Belinda Balluku e kryetari i Bashkisë së Vlorës, Dritan Leli.
Projekti shqiptar ka si objektiv të thith në aeroportin e Vlorës rreth 2-3 milionë turistë në vit.
Operacioni për mbylljen e këtij projekti ka dhe një aspekt të rëndësishëm ekonomik për kompaninë italiane, e cila synon të kupotohet së shpejti në bursën italiane.
Në drejtimin e Presidentit Tiziano Onesti, “Aeroporti di Puglia” ka nsiur një plan strategjik afat gjatë që aprashikon rritjen e biznesit si dhe të investimeve për të cilat ka nënshkruar një kontratë finacimi prej 65 milionë euro me një grup bankash.
